FØREDRAG: Handarbeidets psykologi med Anne Kirketærp finner sted på Bryne kino, sal 1 i Norge.
Se billettleverandørens side for billettpriser og kjøp: https://jorddogn.ticketco.events/no/en/e/foeredrag_handarbeidets_psykologi_med_anne_kirketaerp
Stressar du ned med bilmekking? Blir du glad når du klarar eit strikkemønster? Ja, arbeid med hendene, anten det er veving, snekring eller matlaging, kan ha den effekten. Det gir meistringskjensle, betre problemløysingsevne og faktisk også auka hjernekapasitet.
Betre helse, både mentalt og fysisk, kan det òg føra til. For å oppnå det bør du helst ha ti handverksprosjekt gåande samstundes, ifølgje Anne Kirketerp. Ho er den dansk-norske kunsthandverkaren, handarbeidslæraren, føredragshaldaren, forfattaren og psykologen som har utvikla faget Craft psykologi. Faget koplar handverk med psykologi. Særleg med den delen av psykologien som studerer mennesket si trong til å skapa noko materielt. Slik ønskjer ho at Craft psykologi kan opna for nye måtar å fremja trivnad – samt å motverka mental mistrivnad. Heime, i undervisning, eller på institusjonar.
Høyr Kirketerp føredra om krafta i Craft psykologi. Etter føredraget blir det lansering av den norske omsettinga av boka hennar «Craft psykologi».
