FOLKEEVENTYRA – THE MUSICAL // Teaterlaget i BUL finner sted på Teatersalen til BUL Oslo/Nynorskens hus i Norge.
Se billettleverandørens side for billettpriser og kjøp: https://bul.ticketco.events/no/en/e/folkeeventyra__the_musical__teaterlaget_i_bul
Folkeeventyra – The Musical er ei lettare absurd og humoristisk reise med dei kjende og kjære figurane vi kjenner frå Asbjørnsen og Moe sine eventyr, pakka inn i eit herleg musikalsk univers.
Asbjørnsen og Moe treng ein bestseljar, og dei treng han no. Kjem dei ikkje snart opp med noko som sel, så er det kroken på døra. På jakt etter inspirasjon og dei verkeleg gode historiene legg dei ut på ei reise og treff Espen Arne. Ein fyr med møkk i trynet og raud hjelm på hovudet, som nettopp har fått eit brev frå kongen.
På sin veg for å samle eventyr, møter Asbjørnsen og Moe Bukkane Bruse og Trollet under brua, Dovregubben, Revtsjenka (Reveenka), Pannekaka - og mange fleire! Men dei oppfører seg kanskje ikkje heeeilt slik vi hugsar dei frå eventyra?
Folkeeventyra – The Musical er ei familieframsyning som er like morosam for både vaksne og barn. Vi gler oss til å ta dykk med på ei eventyrleg reise med song, dans og ein heil bråte med finurlege og morosame karakterar.
Framsyninga varer i omlag 2t og 20 minutt, inklusive pause. Passar best for barn frå 5 år og oppover.
Velkommen til Teatersalen til BUL/Nynorskens hus.
