Jakob Glans’ Symfoni nr. 1 er eit verk som med vilje sprengjer grensene mellom stilartar, uttrykk og forventningar. Verket blei bestilt og urframført av Stavanger-baserte Insimul Sinfonietta i 2022, og er komponisten sitt svar på kritiske røyster både i samfunnet og i kunstmiljøet.
Resultatet er eit verk som rommar eit stort spenn av musikalske uttrykk og komposisjonsteknikkar. Her møter romantisk strykekvartett både atonalitet, minimalisme og hard rock, før Glans skrur det heile endå eit hakk opp med piñata, helikopterkadens og bingotrekking. Kontrastane er store, men nøye kontrollerte – eit uttrykk som på mange måtar fangar den musikalske verda til Jakob Glans.
Etter urframføringa i 2022 blei symfonien framført i Sverige i 2024. Same året blei verket nominert til Årets verk av Norsk Komponistforening.
No blir Symfoni nr. 1 framført i Oslo, for første gong i Noreg sidan urframføringa.
----
Galdre er ein Oslo-basert sinfonietta etablert hausten 2025, med eit mål om å løfte fram både ny norsk musikk og eldre verk som fortener fleire framføringar og eit vidare liv.
Les mer og kjøp billetter: https://galdre-sinfonietta.hoopla.no/event/glans1
