Vi får storfint besøk av Ragnar Hovland og Steffen Kverneland, som er aktuelle med den rykande ferske gonzobiografien ASTRUP.
Det var i dei dagar Steffen Kverneland og Ragnar Hovland drog til Jølster for å gjere research til ein ny og grensesprengande Astrup-biografi. Mykje var allereie blitt skrive om livet til den store kunstnaren, men kanskje ikkje om Gassen? Eller den djevelske haren? Og kor grundig hadde eigentleg det store stipendrøveriet til Ludvig Karsten blitt behandla? Ragnar og Steffen vil no kaste eit revolusjonerande lys over den store kunstnaren. Men dei kan jo ikkje berre jobbe. Dei må ete og ikkje minst drikke også.
I løpet av opphaldet i Jølster og familiehytta til Ragnar prøver dei så godt dei kan å ha Astrup i fokus. Men andre spørsmål trenger seg på: Vil Oddvar Torsheim openberre seg? Finst det sjøorm i Jølstravatnet? Kvifor vaknar Ragnar med blod over heile seg? Kven tok bilde av Steffen og Ragnar då det var berre dei i hytta? Svara på dette og mykje meir får du i den geniale gonzobiografien Astrup.
Gratis adgang for ledsager. Hent ut en ekstra billett til denne.
Les mer og kjøp billetter: https://tfb.hoopla.no/event/astrup
