Seminar: Kultur for fred – kultur, makt og internasjonalt samarbeid i ei uroleg verd finner sted på Nynorskhuset, Teatersalen i Norge.
Se billettleverandørens side for billettpriser og kjøp: https://fordefestivalen.ticketco.events/no/en/e/seminar_kultur_for_fred__kultur_makt_og___internasjonalt_samarbeid_i_ei_uroleg_verd
Kan kultur og internasjonalt samarbeid byggje fred i ei uroleg verd?
Er det mogleg å utvikle ein fredskultur slik verda ser ut i dag? Korleis kan ein arbeide med dialog, diplomati og tillit når opprusting, krig og mistenksomheit dominerer? Kva viser forsking, politikk og erfaringar frå feltet?
I samarbeid med Norec set vi søkjelys på korleis kultur og internasjonalt samarbeid kan vere avgjerande for at fred ikkje berre blir ein visjon, men eit reelt alternativ.
Programleiar er Roger Sevrin Bruland, kommunikasjonsleiar i Norec.
Program12.30 – Velkomen
Roger Sevrin Bruland ønskjer velkomen.
12.35–13.00 Marte Heian-Engdal
Forskar og historikar Marte Heian-Engdal opnar seminaret med eit engasjerande overblikk over dei store linjene i verdspolitikken i dag – om krig, makt og globale spenningar.
13.00–13.15 Utviklingsminister Åsmund Aukrust
Utviklingsministeren gir eit politisk perspektiv på internasjonalt samarbeid, kulturutveksling og fredsarbeid i ei uroleg verd.
13.15–13.25 Pause
13.25–13.40 Frå feltet
Gjennom korte, personlege innblikk får vi møte kvardagen i konfliktfylte og sårbare kontekstar, der kulturutveksling ikkje er teori, men levd erfaring.
13.40–13.45 Musikkinnslag
13.45–14.05 Ingeborg Breines
Refleksjonar rundt kultur, utdanning og fredsarbeid, basert på lang erfaring frå internasjonalt arbeid for dialog og ytringsfridom. Kan UNESCO og FN sin visjon om fredskultur hjelpe oss å lære å leve saman i fred? Breines deler også refleksjonar frå boka Fredskultur – utopi eller sikkerheitspolitisk alternativ.
14.05–14.30 Panelsamtale: Kan kultur byggje fred?
Roger Sevrin Bruland samtalar med Marte Heian-Engdal, Ingeborg Breines og Åsmund Aukrust. Panelet drøftar korleis kulturutveksling kan bidra til berekraftig fred – og kva utfordringar feltet står overfor i dag.
