Toradarkurs finner sted på Sakralrommet, Førdehuset i Norge.
Se billettleverandørens side for billettpriser og kjøp: https://fordefestivalen.ticketco.events/no/en/e/toradarkurs
Har du nokon gong tenkt at du skulle lære deg å spele toradar? Toradaren passar framragande godt inn i dei fleste situasjonar, og finst det ein toradar i nærleiken er det stor sjanse for god stemning. Her er i så fall ein fin sjanse til å ta første steg, og lære det elementære av dyktige Ingrid Sørheim frå Hardanger. Ho påstår sjølv at du kan lære det på ein halvtime, så då er det jo berre å kaste seg ut i det, og teste om ho har rett, for her får du heile to timar!
Ingrid er folkemusikar på durspel og arbeider som distriktsmusikar og lærar i det store toradarmiljøet på Voss og i Granvin. Ho har lang røynsle både som pedagog, solospelar og dansespelar, og er aktiv i fleire band.
Ingrid underviser elevar i alle aldrar, frå 6 til 80 år, både individuelt og i samspelsgrupper. Ho har også vore instruktør på mange helge- og vekeskurs opp gjennom åra. I mange år var Ingrid fast deltakar på Mokurset i Førde i Sunnfjord. No gler ho seg til å halde nybyrjarkurs for ungdom og vaksne under Førdefestivalen!
Her trengst det ingen forkunnskapar, og du får låne toradar (AD-spel).
Avgrensa tal plassar.